أثارت الفنانة جومانا مراد الجدل بسبب آخر تصريحاتها، ووجهت بعض النصائح للسيدات اللاتي يفقدن الثقة في أنفسهم، وذلك خلال استضافتها في برنامج “كلام نواعم”.

وقالت جومانا مراد: “كل ست لازم تبص لنفسها في المراية وتقول أنا أحلى ست في العالم، أنا بشوف نفسي إني بجنن”.

وأضافت: “الستات بتحب تسمع كلام حلو، الست بتحب من ودنها أي حد يقدر يدخل حياتها من مدخل الكلام الحلو ليه متسمعيش نفسك كلام حلو؟ إحنا جلادين لنفسنا ليه ننتقد نفسنا ومش بنشوف غير عيوبنا نبص في المراية ونشوف العيب لأ أنا ببص في المراية بقول أنا حلوة وحتى عيوبي ميزة”.

وعن فكرة التقديم في السن قالت جومانا مراد: “كل ما بيكبر سني كل ما بحلو أكتر وبحس بنفسي أكتر وبحس إني عارفة نفسي وعارفة عايزة إيه، كل سن ليه حلاوته وجماله السن مجرد رقم، السن هو خبرة السنين وإزاي شخصيتك اتكونت”.

واستكملت: “زمان مكنتش بعرف أطبطب على نفسي وآخر حد أفكر فيه هو فسي لكن الموضوع اتغير لقيت أن كل ست محتاجة تطبطب على نفسها وتكون حنونة على نفسها وتكافئ نفسها متستناش حد يكافئها”.

يذكر أن آخر أعمال الفنانة جومانا مراد مشاركتها في رمضان 2025 بالمسلسل الخليجي “أم 44″، ويشارك في بطولته عدد من الفنانين، أبرزهم: سمية الخشاب، جومانا مراد، وميس قمر، وهدى الخطيب.