حرص الفنان أحمد العوضي على الرد للإنتقادات الموجهة إليه بسبب تكراره للأعمال الشعبية.

وقال العوضي في لقائه مع blinx: “طول ما الدنيا عليك صعبة طول ما أنت موجود بحب الكلام دا يتقال عليا، الناس كلها بتعمل شعبي بس عوضي يعمل ليه، طيب ما الناس كلها بتعمل، يا عم أنا مبقدمش غير شعبي مش عاجبك متتفرجش عليا، لكن أنا عندي إخواتي اللي بيحبوني وبيتفرجوا عليا”.

وتابع أحمد العوضي: “وبعدين أنا عملت هشام عشماوي دا كان شعبي؟ قدمت دور سيف الخديوي وكان شعبي وجابر الكوماندا كان صعيدي شعبيته منين؟ أكيد في ناس مش بتحب نجاحك بس زي ما في ناس كتير جدا بتتمنى نجاحك لكن أنا مبحبش نظرية المؤامرة لأنها ضعف من الراجل أنه يطلع يقول أنا فلان مضايق من نجاحي، لا هو أنا عويل، ميشغلنيش أنا الكلام دا”.

الجدير بالذكر أن، آخر أعمال العوضي كان مشاركته في شهر رمضان الماضي في مسلسل “حق عرب”، بطولة دينا فؤاد، رياض الخولى، وفاء عامر، وليد فواز، دنيا المصرى، كارولين عزمى، أحمد صيام، سلوى عثمان، وفاء مكى، أحمد عبد الله محمود، ميدو ماهر، الطفل منذر مهران، وعدد آخر من الفنانين، تأليف محمود حمدان وإخراج إسماعيل فاروق وإنتاج شركة سينرجى.