هاجمت الفنانة مي فاروق شقيق الفنان الراحل محمد رحيم، وذلك بعد ظهوره في العزاء وهو يحاول أن يظهر في وسائل الإعلام والتصوير مع الفنانين.
كتبت مي فاروق عبر حسابها الرسمي على الفيس بوك : “الله يرحمك ياغالي يا ذوق يا محترم عشت كبير ومحترم وهتفضل محترم وكبير وسيرتك سبقاك مهما حاولوا والله “.
وأضافت: “لما بيحصل كده بعد ما مشيت اومال كان ايه اللي حاصل لك وانت عايش ربنا رحمك عشان انت طيب وجميل وما تستاهلش القرف ده”.
وأكملت: “مش لاقيه اي اسم للي بيحصل والله ده لا رحمه ولا ذوق ولا أدب ولا دين. ده مش دم ده ميه !”.
وتابعت: “حد يعالج الراجل ده وللا يشوفله حته يقفلها عليه بقي كفايه قرف مردودالك في يومك والله طب احترم اللي كنت عايش تتشرف انك علي اسمه يا اخي وللا نفسك في الشهره. وبتركب ترند علي سيرة وسمعة واحد الدنيا بتتشرف بيه”.
واختتمت كلامها قائلة: “منتهي الرخص والقرف، حسبنا الله ونعم الوكيل كله مردود والله، اخص والله الف اخص”.