بقلم : المهندس طارق الإمبابى
السياحه في مصر مش بس آثار و بحار
مش سينما ولا مسرح ولا أنهار
السياحه عندنا أجملها سياحه في عقول شعبها
الإنسان فيكي يا مصر غير كل البشر
لما تزوروا مصر مش بس تشوفوا أهرامها وسهولها وهضابها
لما تزوروا مصر إسألوا الأول عن شعبها إللي باني وحامي أرضها وعرضها
السياحه لمصر مش أرض وجدار وماضي يعلمه كل البشر
السياحه في مصر ساندويتش فول وطعمية علي عربية وسط البشر
لما تزوروها إسألوا عن ” منسي ورفاعي “وشعب مصر البطل
إسألوا إزاي وسط الخريف العربي كله وقع وهرب واندثر إلا شعبك هو الوحيد رد العدو وانتصر
روحوا زوروها وإسألوها إنت كيفك
رغم الحصار حواليكي وانت لسه فاتحه ذراعك وحدودك لكل البشر
زيارة مصر والسياحه فيها مش زياره
للبحر والحجر مصر أم التاريخ وأم الدنيا يا بشر
إسألوها ازاي بتسمعي شتيمتك من الغجر والبشر وتقابليهم بحب وصدر طيب يحضنهم ويحميهم من غدر الأعداء الغجر
وإسألوهم انتوا في مصر ضيوف ها يردوا ويقول أحنا وسطكم أصحاب البلد
عمرهم ما حسوا بغربه وسط شعب مصر إللي دائما يوم ما احتاجوهم كانوا لهم ضهر وسند
هي دي مصر لما تتكلموا عنها إوعوا تتكلموا عن آثارها عن رمسيس وفرعون وأهرامها
كلموهم عن شعبها وأرضها وخضارها كلموهم عن نزهة في النيل مع عم عبد الله كلموهم عن أم محمد اللي غلبت عدوان السويس بالحله وغطاها وطبقها
كلموهم إزاي في كل الحروب انتصرنا