نعت الفنانة ريهام عبد الغفور، مدير التصوير تيمور تيمور، بكلمات مؤثرة، الذي رحل عن عالمنا أول أمس السبت غرقًا، بعد محاولته إنقاذ نجله من الغرق في رأس الحكمة، وذلك عبر حسابها الشخصي بموقع التواصل الاجتماعي “فيس بوك”.

وقالت ريهام عبد الغفور: “يا حبيب قلبي يا تيمور، ياللي أهل بيتك بيقولو عليك كنت حنين وفرفوش وطيب وبتحب أوي جبر الخواطر، ياللي أهل مراتك بيقولوا عليك لما دخلت حياتهم جبتلهم الأمان والسلام، ياللي أمك بتقول عليك كنت بني آدم حنين وكويس أوي وابن بار، ياللي زمايلك وأصحابك بيقول عليك كنت مسهل عليهم حياتهم”.

واستكملت ريهام: “ياللي العمال كانت بتفطر معاك في طبق واحد في اللوكيشن، ياللي مخلص لشغلك، ياللي ضحيت بحياتك عشان تنقذ ابنك، ياللي قعدت تسمعني وانا بقولك أني قلبي انكسر على أبويا وتطبطب عليا”.

وتابعت: “كنت فاكرة أن عمري ما هتوجع تاني بس فراقك وجعني أوي أوي أوي، ووجع كل حد عرفك، كل الناس بتحبك وبتدعيلك وعمرها ما هتنساك، عشان انت سبت أثر وحكاية حلوة عند أي حد عرفك”.

واختتمت “عبد الغفور” رسالتها بالدعاء لمدير التصوير، قائلة: “ربنا يسعدك في الجنة ويجعلك في أعلى درجاتها، ويجمعنا بيك وبالغاليين في الجنة يارب، أسألكم الفاتحة والدعاء”.