تصدر اسم الكابتن أحمد عادل لاعب النادي الأهلي السابق، مواقع التواصل الاجتماعي، حيث أثارت واقعة احمد عادل جدلا واسعا، تزامنًا مع ظهور ابنة المُعتدي عليه التي تُدعى فرح مصطفى، مؤكدة تفاصيل الحادث وتعرض والدها لكسر شديد.

إخلاء سبيل  لاعب النادي الأهلي السابق  أحمد عادل

أصدرت نيابة العلمين، حكماً بإخلاء سبيل  لاعب النادي الأهلي السابق  أحمد عادل، بعد واقعة الاعتداء على مواطن في الساحل الشمالي.

فرح تكشف تفاصيل الحادث

قالت فرح : والدي لسه خارج من عملية تركيب شرائح و9 مسامير في رجله، نتيجة الكسر اللي تسبب فيه كابتن أحمد عادل.

وعن تفاصيل الواقعة أوضحت: كل ده بسبب خناقة أطفال، وابن أحمد عادل شتم أبويا وأخويا الصغير وعوره في رأسه.

وأشارت: أثناء الخناقة أحمد عادل هو اللي بدأ بالضرب وضرب أبويا في مناخيره خلاه نزف دم كتير، وهدومه كلها اتغرقت دم، وبعد كدة لما أبويا اتعصب، مسكوه 4 ستات، اتنين على اليمين وواحدة على الشمال وواحدة من ضهره، وده عماله جروح في منطقة الرقبة.

هنجيب حقنا بالقانون وإحنا مش غلطانين

وأضافت: هنجيب حقنا بالقانون وإحنا مش غلطانين، أبويا تعبان ومش هنسيب حقه، وتم اتخاذ كل الإجراءات القانونية اللازمة وتم تحرير محضر بـ رقم 387 لـ سنة 2024 جنح مارينا.

وتابعت: أبويا اتبعتله ناس على المستشفى من طرف أحمد عادل، للتحايل بالتنازل عن المحضر عشان الموضوع ينتهي بشكل ودي، لكن أبويا رافض وقال له أنا هسجنه،وهجيب حقى بالقانون.