كل الدراسات بتؤكد إن اكتشاف الذات هو أساس اكتشاف الشغف.

لكن خلي بالك… اكتشاف الذات مش بس إنك تشوف الحاجات الإيجابية اللي جواك، إنما كمان إنك تواجه نقاط ضعفك:

الحسد… الكسل… التعلق… العند… الغضب… وغيرها.

دي صفات بتعمي بصيرتنا، وتخلينا نتمسك باللي يضرنا ونسيب اللي ينفعنا.

تضعف قلوبنا… ونبقى زي العظام الهشة، أي شيء يقدر يكسرنا.

ندخل بإيدينا دايرة الشك والجهل وقلة الثقة وتقدير الذات.

لكن الحقيقة إن الحِتة العتمة اللي جوا قلبك… هي نفسها مفتاح النور.

رسول الله ﷺ قال:

«ألا وإن في الجسد مضغة، إذا صلحت صلح الجسد كله، وإذا فسدت فسد الجسد كله، ألا وهي القلب»

يعني لو قدرت تزكي قلبك:

تنظفه من العتمة،

وتغذي جوانبه الإيجابية،

وتثبت على ده بعزيمة وإصرار…

ساعتها:

العتمة هتنور

هتكتشف شغفك بسهولة

وهتشوف حياتك أوضح وأجمل.

﴿قد أفلح من زكّاها وقد خاب من دسّاها﴾ [الشمس: 9-1]

خليك واثق أن دائما سعيك متشاف ، مجهودك متقدر ،

تعبك وسهرك وتضحياتك، صبرك والتزامك هتجنى ثماره.

كل ده جواك ألماس بيلمع

يزينك من جوه لبره وبيان فى جمال وجهك ، ويخلي نورك ظاهر حتى في أصعب الأوقات.

خليك واثق إن رحلتك مليانة قيمة ومعنى وإن كل خطوة بتقربك من اللي تتمناه.

طول ما بيشرق يوم جديد متوقفش سعى وأكيد هتوصل

وخليك فاكر رحلتك فى كل خطوة هتكسب فيها ثقة بنفسك وخبرة وهتقرب من حلمك وربنا هيجازيك بالسعى.

دمتم فى امان الله