كشفت الفنانة هدى المفتي خلال ظهورها في برنامج “صاحبة السعادة” مع الإعلامية إسعاد يونس عن تفاصيل صادمة ومثيرة في حياتها العاطفية، مؤكدة أنها لم تتلقَ أي عرض زواج رسمي طوال حياتها.

وقالت هدى: “ولا مرة جالي عريس.. لا صديق ولا حد قريب، حتى اللي بيتكلموا بيجوا على إنستجرام بس، مفيش راجل قاللي إنه عايز يتجوزني بجد، ومش عارفة بصراحة هما بيخافوا مني ولا إيه!”.

وأوضحت الفنانة أنها، منذ صغرها، كانت واضحة مع نفسها بشأن أهدافها في الحياة، مؤكدة أن الزواج لم يكن ضمن أولوياتها. وأضافت:

“وأنا صغيرة كنت عارفة أنا عايزة إيه، كان عندي طموحات وأحلام كتير، والجواز عمره ما كان واحد منهم. بابايا كان دايمًا يقولنا إن الست مش لازم تتجوز غير لو هي عايزة، مش لمجرد إنها ست. بالعكس، ماما كانت بتسألني كتير: هو مفيش حد خالص؟”.

وعن تجربتها العاطفية، اعترفت هدى بأنها مرت بقصة حب مؤثرة في المرحلة الثانوية، لكنها كانت من طرف واحد، قائلة: “في تالتة ثانوي حبيت واحد، وكنت مرتبطة بيه جدًا، لكنه اختفى فجأة، وبعدها عرفت إنه اتجوز!”.

أما عن الشائعات التي تطاردها حول الارتباط والخطوبة، فقالت هدى المفتي: “الإشاعات بنسكت عليها لحد ما تموت، بس لو في حاجة حقيقية هقولها، ليه أخبي؟ الجواز عندنا إشهار، ولو كنت فرحانة أكيد هعلن”.