كتبت- الدكتورة شيماء حمدى

تختلف أشكال الصداع من شخص لآخر وخصوصا مع ارتفاع درجات الحرارة فى فصل الصيف ،هنلاقى ناس كتير بتعانى من انواع الصداع المختلفة
لو بتقوم من النوم الصبح عندك صداع فوق العين وعلى جانبي الجبهة وتحت تجويف العين دا صداع جيوب انفية وعليك استشارة طبيب الأنف والأذن لإعطاء العلاج المناسب،
طيب لو صاحي الصبح زى الفل وجيت على آخر النهار حسيت بصداع مع انك نايم كويس وطول اليوم شارب كمية مياه كفايةويكون مصحوب بزغلله فى العين ، ف الحالة دى نستشير طبيب العيون الخاص لفحص النظر والتأكد من سلامته.
فى حالة الصداع متزامن مع الاجهاد والضغط العصبي والتفكير والغرفة يبدأ يعمل تدليك فورا لمقدمة الجبهه واعلى فروة الرأس ويعرف ان دا صداع عضلى من الضغط العصبي ومحتاج يبعد عن مصدر التوتر والضغط.
ياترى دى كل انواع الصداع؟
اكيد لا ، لسه عندنا ٣ انواع كمان
نوع بيبدأ من الكتف وبيطلع على الرأس من ورا ف الحالة دى نستشير طبيب العظام لتفادي احتمال وجود ديسك ف الرقبة ضاغط على الأعصاب.
اما صداعك لو فى مؤخرة الرأس وعامل زى دق وتنميل وممكن تحسه فى نص الرأس واسفلها لازم فحص ضغط الدم لاحتمالية ا،تفاع ضغط الدم.
وآخر نوع اللى بعتبره شخصيا من أصعب حالات الصداع وهو. الصداع المزمن او الشقيقة ، مش معنى نصفى يعنى نحس بيه فى نص الرأس دا ممكن ينتشر ف الرأس بالكامل بيكون نابض واوقات مصحوب بغممان نفس وقيئ وزغلله ومتبقاش الرؤية واضحة
فى الحالة دى ابدأ علاج أولى لحين مراجعة الطبيب المختص
اربط عملة معدنية على جانبي الجبهة عند الشريان النابض
والجلوس فى مكان مظلم او نور هادئ وعند استمرار الأعراض لابد من زيارة الطبيب لإعطاء العلاج المناسب.
من وجهة نظر التحاليل المعملية هناك العديد من التحاليل من خلالها تقدر نحدد سبب الصداع المزمن
اهمها تحليل صورة الدم الكاملة لو موجود انيميا خصوصا انيميا الحديد ، مشاكل الكلى نعمل تحليل بول كامل وكرياتينين ويوريا ، فحص وظائف الغدة الدرقية ، فحص نسبة السكر فى الدم ، التهابات العدوى الفيروسية المختلفة ، الكتروليتات الدم مثل المغنيسيوم والصوديوم والبوتاسيوم .
نصيحة
بلاش نستسهل المسكنات لأن اضرارها اكثر بكثير من مجرد معالجة اعراض ، اعرف سبب تعبك اعمل تحليلك الشامل وزور طبيبك وخد علاجك صح متجازفوش بصحتكم
دمتم فى حفظ الله