علقت المخرجة سارة وفيق مخرجة فيلم «ريستارت» من بطولة الفنان تامر حسني، على انتقادات الناقد الفني طارق الشناوي، وذلك بطرح الفيلم للمنافسة ضمن أفلام عيد الأضحى المبارك 2025.

أكدت سارة على صفحتها الرسمية علي موقع التواصل الاجتماعي «فيسبوك»: “أستاذ طارق الشناوي في فرق كبير بين الإهانة وبين النقد، حضرتك بتقول إن مفيش موضوع في الفيلم ودي حاجة ضحكتني جدا لأن احنا بنتكلم عن موضوع الساعة، موضوع العصر، أكبر موضوع بيهمنا ويخصنا حاليًا”.

تحدثت سارة مخرجة فيلم «ريستارت» : “كلامك فكرني بمشهد في الفيلم للفنان محمد ثروت وهو بيقول أنا أعمل أي حاجه عشان ابقى تريند “إحنا خدامين الترند” وسمع كلام الچوكر “الفنان باسم سمرة” اللي بيشتغل لأغراض ناس، مبروك يا أستاذ طارق عرفت تبقى تريند من غير ما تنقد الفيلم.. تخبط في القائمين على العمل بعيداً عن العمل نفسه ولا اتكلمت عن إيجابياته ولا سلبياته لا ههاجم أشخاص وبكده هطلع تريند بسرعة».

استكملت سارة مخرجة فيلم «ريستارت» : “وبعدين حضرتك بتتكلم عن أدوات المخرج والمؤلف ولم تستخدم أدواتك كناقد فني ياريتك قولت حاجة نستفيد بيها بدل ما أنت طالع ترمي إفيهات وإفيهات وحشة كمان”

اختتمت سارة مخرجة فيلم «ريستارت» حديثها : “الرقم اللي متحقق جوه مصر وبرا مش مجاملة يا أستاذ طارق ده الجمهور الحقيقي اللي بنخاطبه دول مش ولاد أختي مثلًا، الفيلم لسه نازل وداخل على 50 مليون داخل مصر فقط ودا نجاح مفرح كل صناعه الحمد لله، على العموم دي كلمتك ورأيك والجمهور قال كلمته برضو”.