قدمت الفنانة شيرين عبدالوهاب إعتذاراً لشقيقها محمد، وذلك عما بدر منها خلال خلافها مع طليقها المطرب حسام حبيب، ونشرت تغريدة عبر حسابها الرسمي على موقع إكس، موضحة سبب خلافهما.
وقالت عبدالوهاب: “ناس كتير مش عارفين سبب الزعل مع أخويا، عشان في يوم خيرني بينه وبين اللي كنت متزوجاه، ولأن ربنا أمر الزوجة بطاعة زوجها، فأنا قررت إني أرضي ربنا”.
تابعت: “بس انت صح وانا اسفة علي كل حاجة قلتها ليا وانا معملتش بيها لاني بعتك بأرخص تمن، يارتني كنت سمعت كلامك يا غالي”
ورد شقيقها عبر حسابه الرسمي على الإنستجرام قائلاً : ” أولًا إنتي أختي الكبيرة وأمي التانية وأنا تحت رجلك مفيش أم وأخت كبيرة تتأسف لابنها أنا تحت رجلك وإنتي تاج راسي أنا بس بعدت عشان أصون كرامتي والمشاكل مكنتش مشاكلك إنتي كانت مشاكل حد ثاني جمبك الله يسهله المهم عندي إنك توقفي على رجلك وتكسرى الوطن العربي كله كعادتك وإنتي بالفعل كسرتي الأرض ربنا يحفظك ويحفظ بناتك”.