ظهرت الفنانة دانا حمدان في فيديو على حسابها بتطبيق Instagram، و هي تبكي بعد وفاة احد كلابها الذي كان تائها منذ 3 سنوات.

قالت دانا: “بقالي 3 سنين بحاول أدور عليه، وكان نفسي أشوفه، وأطمن عليه لكن أنا عملت اللي عليا، مش عارفة أقول إيه، جاله مرض مميت للكلاب، ومش مسامحة الناس اللي خدته واستغنت عنه بصراحة، لأنه ما يستاهلش كان كلب جميل، وكان أحلى إخواته وكانت عينه ملونة وزي القمر، مفيش حاجة أقدر أعملها، أرجوكم لما تجيبوا كلاب ما يستاهلوش تعملوه فيهم كده، مش عارفة أعبر عن مشاعري من كتر ما أنا زعلانة”.

أضافت:” مش عارفة أتكلم أقول إيه ولا عارفة أتلم على أعصابي، في واحدة كتبتلي أنها شافت هابي مع واحدة نقلت من كومباوند لكومباوند آخر، وأما حاولت اتواصل معاها قالتلي أن الكلب ده مات”.

وتابعت حديثها قائلة: “كلابي كلها متعقمة ولحد دلوقتي مش عارفة هابي مات وشوجر عاملة اي صحابهم مش بيردو عليا.. أنا مش عايزاهم انا عايزة بس اطمن عليهم”.